افلام سينما مرح
ارجو التسجيل لمشاهدة اروع افلام سينما مرح
لوحة الاقسام.

افلام رومنسية
افلام رومنسية

افلام الاكشن
افلام الاكشن

افلام مصرية
افلام مصرية

--

افلام رعب
افلام رعب

--

افلام المغامرات
افلام المغامرات

فيديوكليب
فيديوكليب

افلام رعب
افلام رعب


الحب من طرف واحد

استعرض الموضوع السابق استعرض الموضوع التالي اذهب الى الأسفل

الحب من طرف واحد

مُساهمة من طرف nour_2010350 في الخميس 3 سبتمبر - 20:52:46

اسمحولى اتكلم عن مأسه الحب من طرف واحد
واسمحولى اتكلم فى الموضوع ده وانا بسرد حكايتى
انا كنت معجبه بزميل ليا معايا فى نفس المعهد من سنتين ومكناش قريبين من بعض
بس بمرور الوقت بدءت انا اتشد له وبدء هو يلاحظ كده
المهم من اللحظه دى بدء يتغير معايا وبدء يبعد عنى ويحاول يتهرب
بصراحه كان بيحاول يبعد عشان ميعلقنيش واحترم مشاعرى جدا ومحاولش يجرحنى ولا يتكلم معايا فى الموضوع خالص وبعد عنى تماما
بصراحه كبر اوى فى نظرى وحبيته اكتر...... بس انا مقدرتش انى ابعد عنه وحاولت انى اتقرب منه
وكنت عاوزه اننا نبقى اصدقاء على الاقل .....بس هو كان بيبعد بس انا كنت كل يوم بتعلق به زياده
المهم انى قررت انى اعترف له انى بحبه(وانا عارفه انى غلطت) وكان رده عليا انه هو مش بيبادلنى اى شعور وانه مرتبط واسوب كلامه كان جارج الى حد ما طبعا انا اتصدمت من رده واتجرحت جدا وللاسف انفعلت عليه ورديت عليه باسلوب مش كويس لانه جرح كرامتى وبعدت انا عنه
وبعد فتره بدءت احس انى غلطت لما انفعلت عليه وقررت انى اكلمه عشان اعتذر له وهو كلمنى باسوب كويس جدا وبعد كده اتكررت بنا المكالمات وقربنا من بعض واتفقنا اننا نكون اصدقاء فقط وانا دلوقتى بقالى سنتين بكلمه كاخوات واصدقاء وعلاقتنا مستمره مع اننا اتخرجنا من الجامعه
بصراحه انا بتعذب وانا بكلمه ومش قادره ابعد عنه وفى نفس الوقت مش قادره ابص لمستقبلى وافكر فى حد عيره
هو عارف انى لسه بحبه وده جارحنى اوى
حد يقولى اعمل ايه مع العلم انى حاولت كتير اوى انى ابعد عنه بس فى الاخر كنت بضعف وبرجع تانى احن له
انا بجد تعبانه جدا

nour_2010350
عضو جديد
عضو جديد

انثى تاريخ التسجيل : 31/08/2009
عدد الرسائل : 26
6
2
الموقع : الاسماعيليه

الرجوع الى أعلى الصفحة اذهب الى الأسفل

رد: الحب من طرف واحد

مُساهمة من طرف فارس المصرى في الخميس 3 سبتمبر - 22:31:21

شكرا على موضوعك يا نور

نورتى اسرة مرح
وان شاء الله تشوفى منا الاجابة على سؤالك
avatar
فارس المصرى
نائب
نائب

ذكر تاريخ التسجيل : 07/11/2008
عدد الرسائل : 883
6
13

الرجوع الى أعلى الصفحة اذهب الى الأسفل

رد: الحب من طرف واحد

مُساهمة من طرف elhadary في الجمعة 4 سبتمبر - 6:04:13

بجد موضوع صعب يا نور والكتير بيعشوه
-----------------------------
تعرفى اجمل حاجه فى الأنسان الصراحه ودى بجد موجوده فيكى

بس الى مضايقنى ونفسى اقولهولك لحد امته هاتفضلى تضحكى على نفسك يعنى هوه من الأول قالك على شعوره تجاهك وانت مافهمتيش ولسه برده مستمره فى حبه

وانا هاقولك تعملى ايه من وجهه نظرى
--------------
انت قولتى انك بتكلميه بقالك سنتين فانت شوفى لو مشاعره نحيتك زى اول مره فانت ابعدى عنه فورا لأن الى هايتاذى فى الموضوع ده انت مش هوه ويا ريت ماتضحكيش على نفسك او تخدعى نفسك اكتر من كده

ولازم تعرفى انك وصلتى لمرحله صعبه لازم تحكمى عقلك مش قلبك يعنى مافيش مجال للعواطف او تخلى قلبك هوه الى يتحكم فيكى او يوجهك

ولو البعد صعب دلوقتى اكيد بعد كده اصعب واصعب وكل ماهتفضلى معاه كل ما هتتعلقى بيه اكتر بس الى لازم تعرفيه انك هاتقدرى تبعدى عنه وتنسيه وبكره تضحكى على الأيام دى وتقولى انا ازاى كنت بعمل كده فى نفسى

ونصيحه منى ابعدى عنه انت وخليه قرارك احسن ماتيجى منه هوه وساعتها هاتبقى صعبه اوى
والى هايساعدك على نسيانه انك افتكري له حاجه وحشه عملهالك ولو ماعملش اتلككيله بس المهم انسيه
لو مش قادره تبعدى عنه مره واحده اسحبى نفسك حبه بحبه وماتقنعيش نفسك انك هاتكلميه على انه صديق واخ لأن الواضح غير كده وبالطريقه دى انت سايبه الباب متوارب فلازم تقفلى الباب ده خالص (والباب الى يجيلك منه الريح سده واستريح)

ولازم تقتنعى ان مش كل الى بيحبوا بعض بتجوزا يعنى ممكن يكون بيموت فيكى بس مايتجوزكيش لأن كل شئ قسمه ونصيب يعنى ماتتعبيش نفسك اكتر من كده
والى نفسى تخدى بالك منه هوه الكرامه وكرامه الواحد لازم تكون فوق كل شئ وفوق الحب كمان والى بيحب حد مش بيدوس على كرامته
وانت اكيد كرامتك مش هاتسمحلك انك تحبى واحد مش بيحبك ولا حاسس بيكى وبرده معلقه نفسك بيه
ولازم تعرفى انه مايستهلكيش لأن بجد صعب ان واحد يلاقى حد بيحبه بالدرجه دى فى الزمن ده ويفرط فيه

ويا ريت ماتزعليش من الرد بتاعى بس بجد ده لمصلحتك



ويا رب تلاقى ابن الحلال الى يحبك ويصونك ويصون حبك ويستاهلك
وبعدين خلى بالك بقى من مستقبلك لآن مافيش حد هاينضر غيرك


اانا صحيح ممكن صغير فى السن بس اتعلمت كتير ومش هاتتعلمى غير لما تجربى

ويا رب تطلعى من المحنه دى على خير وتكون دفعه للأمام
وبشكرك يا نور على موضوعك اللذيذ

elhadary
عضو جديد
عضو جديد

ذكر تاريخ التسجيل : 30/08/2009
عدد الرسائل : 3
6
2

الرجوع الى أعلى الصفحة اذهب الى الأسفل

رد: الحب من طرف واحد

مُساهمة من طرف نيرفين في الجمعة 4 سبتمبر - 10:36:52

يا حبيبة قلبى طبعا انا حاسه بيكى جدااا
وعارفه اد ايه الموقف صعب اووووى
لأن الحب مش بأيدنا ابدا وياريته كان بأيدنا
انا عارفه ان اللى هقوله
انتى عارفاه كله وقلتيه لنفسك اكيد
احنا مش هنقدر نخلى حد يحس الحب ناحيتنا ابدا
وخاصه انه مرتبط وبيحبها
يعنى لو مش مرتبط وبيحب كان ممكن يكون فيه امل
بجد كفايه انه انسان محترم وواضح
كان ممكن يستغل الموقف ويتلاعب بعواطفك
خاصه انه بتحبيه جدااا
لكنه فعلا محترم وواضح وده شئ نادر اليومين دول
يا نور يا حبيبتى لازم ارادتك تكون اقوى من كده
لازم تبعدى عااااارفه انه صعب طبعااا
لكن يكفى انك تحطى كرامتك وقلبك ادامك
هو مش بادلك مشاعرك ازاى انتى تستمرى فى احساسك
الحب من طرف واحد وهم كبير وعذاب لصاحبه
بينام على الحلم ويقوم على الوهم
حرام عليكى قلبك يا حبيبتى
حاولى تشغلى نفسك عنه شويه بشويه الأيام ان شاءالله هتساعدك
وافتحى قلبك لغيره ادى الفرصه لنفسك
تحس حد غيره شخص هو اللى يصرحلك بمشاعره
قلبك امانه حافظى عليه وبلاش تجرحيه
جرح القلوب صعب اوى يانور
بلاش جرحك يكون بأيدك
لكن عزائك الوحيد انه مش جرحك ابدا هو صارحك
كتر خيره انه مش خدعك
عيشى حياتك وحاولى تقاومى نفسك عن التفكير فيه
ووقت متبقى عاوزة تكلميه الهى نفسك بأى حاجه
خليكى دايما وسط الناس اشغلى وقتك على طول
مع الوقت ان شاءالله هتقدرى
وانا عارفه انك بأذن الله هتكونى قوية
وهتقدرى علشان خايفه على قلبك
صح ياقمر؟؟؟؟؟؟
عاوزاكى بقى تلزمى الدعاء ده فى كل وقت
فى صلاتك وفى اى وقت وانتى قاعده خليه على لسانك على طول
(اللهم اجيرنى فى مصيبتى واخلفنى خيرا منها)
وان شاءالله ربنا هيساعدك ويقويكى انك تنسيه
ويرزقك باللى يخليكى تنسيه خااااالص
ويكون ليكى كل حاجه
ربنا يوفقك لكل الخير ان شاءالله يارب

avatar
نيرفين
مشرفة عامة
مشرفة عامة

انثى تاريخ التسجيل : 12/03/2009
عدد الرسائل : 1901
6
2

الرجوع الى أعلى الصفحة اذهب الى الأسفل

رد: الحب من طرف واحد

مُساهمة من طرف nemr في الجمعة 4 سبتمبر - 20:30:02

مش عارف اقولك ايه يا نور
مش عاوز اكون قاسى معاكى
بس مش عارف حاسس انك غلطى جدا لما اعترفتى له بحبك
وخدى بالك الحب الاول وهم كبير يصنعه الانسان بنفسه
وما دام هو لم يقدر على حبك فأنتى لم تستطيعى توصيل مشاعرك اليه
انا موافقك انكما تكونا اصدقاء ولكن ليس معنى هذا ان تستمرى فى الكلام معه بشكل مستمر مما
يزيد من تعلقك به وحبك له وهو فى نفس الوقت لا يبادلك شعورك
بل كونا اصدقاء عند الحاجة الشديدة
بهذه الطريقة ستساعدك الايام على نسيانه مع الدعاء بتقريبك ممن يحبك
وبعدك عن من لا يحبك
وربنا يعينك
تقبلى مرورى


nemr
نائب
نائب

ذكر تاريخ التسجيل : 08/04/2009
عدد الرسائل : 1758
6
2
الموقع : دمنهور

الرجوع الى أعلى الصفحة اذهب الى الأسفل

رد: الحب من طرف واحد

مُساهمة من طرف منى في السبت 5 سبتمبر - 21:27:31

طبعا يا نور لا زم تحاولى تنسيه مادام مافيبش منه اى مشاعر ناحيتك
avatar
منى
.
.

انثى تاريخ التسجيل : 19/07/2009
عدد الرسائل : 215
6
2

الرجوع الى أعلى الصفحة اذهب الى الأسفل

رد: الحب من طرف واحد

مُساهمة من طرف shaky في الإثنين 7 سبتمبر - 8:40:30

سلام عليكم

ازيك نور

وواهلا بيكي معانا في المنتدي مش كان نفسي اول

ترحيب يبقي بالحاله دي

بس بجد انتي كده حرام عليكي نفسك جدااااااااااااااااااااااااااااااااااااااااااااااااااا

طالما انتي مش شايفه اي نتيجه

وغلط انك بتكلميه طبعا غصب عنك بس ده بيقربك منه اكتر

وتتعلقي بيه اكتر

انتي حولي تنسي ومش تقولي مش قادره حاولي تاني وتالت

ورابع

عشان نفسك ومستقبلك ده لو هوه فعلا زي ما انتي بتقولي مش

عنده مشاعر بالنسبه ليكي

حاولي تاني

اتقربي من ربنا وادعيله بجد من قلبك وكفايه اننا اصلا في ايام

مفنرجه انه ينسيكي يا اما يخترلك الخير

ومعلش استحملي كل شئ في اوله صعب بس بعد كده هايبقي سهل جدا

وده عن تجربه بجد

هاتتعبي شويه ممكن تكون الفتره طويله اوي ممكن تطول اكتر من سنه بس

هتلاقي نفسك احلي

واحسن بجد حاولي حبيبتي وان شاء الله ربنا هيقدرك

وربنا معاكي حبيبتي ويكتبلك الخير

والله واعلم نصيبك فيك ممكن ربنا يعوضك بجد بانسان تاني احسن وتحسيه بجد

وتحسي ان اللي فات مش ليه اي لزمه

وربنا يوفقك
avatar
shaky
.
.

انثى تاريخ التسجيل : 13/04/2009
عدد الرسائل : 2384
6
2

الرجوع الى أعلى الصفحة اذهب الى الأسفل

رد: الحب من طرف واحد

مُساهمة من طرف نسااايم في الثلاثاء 29 مارس - 13:53:56

الحقيقه انا مع كل اضافات الاصدقاء ...الغلطه منا هو الاستعجال ..لاني ارى ان الرجل دائمن يحب ان يكون هو المتفضل يعني يحب يكون منه المبادره وليست من الفتاه.. لانه اذا لاحظ حيتجاهلها بكل بساطه .. وبعدهااا هنا نحس بطعة مشاعر تكون صدمه قويه ...هوه هنا بيشوفها جريئه فتنكسر العلاقه..
شوفي ياااعمري ...عندي تعليق بسيط ..والي يخالفني...برضو معه حق ..انابرئيي من تجربه ومن ناس احس ابهم ..انا دئمن نندفع باالمشاعر خاصة المراءه لانها تفكير بقلبها ..اما الرجل كمانعرف بلاثنتان القلب والعقل ..فسبحان الله الرجل حيكون اذكى ويعرف يتعامل مع هذه الامور ومايجامل بحبه فترككي له اسلم لكي وله...
الشي الاهم الي بقوله ..ان الي مر عليكي هي علاقة صداقه.. فكيف لو كان زوجك وهذا هوا الاهم ...؟؟؟؟الحب صعب وخااااصه ان ابحتي به فكوني كوني حريصه..حتى مع زوجكي بالمستقبل احبي ولاكن بعقل ...؟؟؟
ودمتم ...
avatar
نسااايم
.
.

انثى تاريخ التسجيل : 09/03/2011
عدد الرسائل : 52
6
2

الرجوع الى أعلى الصفحة اذهب الى الأسفل

رد: الحب من طرف واحد

مُساهمة من طرف فارس المصرى في الأربعاء 30 مارس - 0:32:59

احنا عندنا خبراء فى الحب يا جماعة بالمنتدى
مشاء الله عليهم جميعا
avatar
فارس المصرى
نائب
نائب

ذكر تاريخ التسجيل : 07/11/2008
عدد الرسائل : 883
6
13

الرجوع الى أعلى الصفحة اذهب الى الأسفل

رد: الحب من طرف واحد

مُساهمة من طرف نسااايم في الأربعاء 30 مارس - 1:00:41

يسلمووووو.....بعض ماااا عنكم ....
هههههههههههه...ايش دعوه احنااا اخوه.....
avatar
نسااايم
.
.

انثى تاريخ التسجيل : 09/03/2011
عدد الرسائل : 52
6
2

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى