زكريات شباب وبنات مرح الرمضانيه

فكره جميله يا شاكى
بس ده محتوى الباب اللى الأدمن نزله طبعا
يعنى ده قصده اننا نكتب زكرياتنا فى رمضان
يعنى انتى مش تضحكى علينا وتدخلى تقوليلنا كده
ومش تحكى لينا زكرياتك يا حلوه
ههههههههههههه
انا بقترح ان العضو اللى يدخل الاول يحكى زكرى ليه
ويحدد اسم عضو هو يختاره يدخل يحكيلنا زكرى ليه
ويختار عضو بعده وهكذا
والعضو اللى يختير لو مش دخل خلال يومين
يدخل العضو اللى اختار ويختار عضو غيره
علشان الموضوع مش يقف
وبما ان شاااااكى دخلت اول واحده القسم
يبقى كانت تحكيلنا زكرياتها
يلا يا شووووووكى
احكيلنا يا قمر زكري من زكرياتك بقى
واختارلنا العضو للى عاوزاه بعدك
فى انتظار زكرياتك اللى اكيد هتكون جميله

هههههههههههههههههههههههههه

كده يا نيرفين وقعتيني

انا فيها

ماشي من حفر حفره

اهه وقعت فيها

علي العموم انا هقلك اللي انا فكراه من زمان بس مش فكره اوي

زمااااااااااااااااااااااااااااااااااااااااااااااااااان

زمان بقي يعني

وانا صغيره كان نفسي اصوم قوي

لكن ماما تقلي مش هاتقدري

صومي من الصبح لحد الظهر

ومن الظهر لحد العطر وهكذا

ومحدش هايعرف واكنك صايمه بالظبط

وان شاء الله هاتخدي الصواب

ولما اعطش

اروح اشرب واقول يارب سامحني

ومره اخ اخ

نسيت

هههههههههههههههههههه

وكانت تجبلي فانوس

واشغله شويه واقفله علي طول

ولازم اتفرج علي بوجي وطمطم

وبكار

مش دلوقتي يا اختي

مطلعين كرومبو وبرومبو فين ايامنا بقي



معلش كل جيل وله احكام

وكان اخويه كل شويه يغنيلي

ويقلي يا فاطره

بتخسري دينك عشان انا اعيط وازعل بقي

ويدايقني

وكفايه فضايح

المهم بقي

نقول اللي بعدي

حبيبتي

القمر

اللي منور دايما

نيرفين

ههههههههههههه
والله بترديهااااا مااااااااشى
ليكى يوم يا شاااااااااكى



والله ماعارفه احكى ايه
يادى التشريد
كلها ذكريات تكسف
بصوا محدش يضحك بقى طيب
ان اصلا كنت شقيه جدااا
وضعيفه خالص ادام الحلويات والفاكهه
مامتى كانت بتخلينى اصوم برضه بالتدريج
للظهر وبعدين العصر وكده زى اى حد ده الطبيعى
اللى مش طبيعى بقا لما جيت اصوم للمغرب كنت تقريبا فى 4 ابتدائى
وعدى اول يوم رمضان والتانى كنت خلاص بقا مش قادره
جه اليوم التالت وبابا الله يرحمه
جاى من الشغل وجايب فراوله معاه
كده بقى خلاص الصبر انتهى عندى
قلت لماما عاوزة افطر انا تعبانه زعقت فيا
طبعا اتكتمت خاااااالص
استنيتهم لما ناموا ودخلت على التلاجه مليت جيوبى بالفراوله
هبل بعيد عنكم
ودخلت على الحمام امال هروح اكل فين يعنى
سمعت صوتهم صحيوا غسلت بوئى وشربت وخرجت ولا فى اى حاجه
لكن اخويا اول ماشافنى وقع من الضحك وقالى فطرتى يا فاطره
وانا ابصله واسكت واروح ابص على بوئى مش لاقيه حاجه
سئلته عرفت ازى قلى جيبك يا فالحه
اتارى الفراوله الندله بقعت جيوبى فضحتنى منها لله
ههههههههههه
يلا ادى ذكرى كفايه
بلاش فضايح اكتر من كده

اختار العضو للى بعدى
ماااااااااارو
حاسه ان ذكرياتك كتير يا ماااااااارو

كل سنه وانتم طيبين
ورمضان كريم

بقى كده يانيرفين
متجيش الا منك انتى
طيب خلى حد تانى
يقولها


ياخرابى على الفضايح اللى هتحصل
انا هقول موقف
قريب اوى من موقفك
يانيرفين

نفس القصه بالظبط
بس بعد ما ماما
زهقتلى اخدت نفسى
ورحت من وراها عند خالتو
وهناك اكلت لما شبعت
ورجعت البيت ولا اكن فى حاجه
بس ماما عرفت بعدها
خالتو فتنت عليا
واخدت حتة قلم

يالا اهى اياااااام وعدت
تصدقوا وانا بحكى الموقف
خدى وجعنى
ااااااااااه
ياخدى


اللى بعدى
هيكون
واحد بعزه
ولسه شنقنى فى حبل المشنقه
فانا هكون اكرم منه
مش هشنقه
هخليه يحكى
ويسيلح لنفسه
عن ذكرياته
احكى يااااااااا



نموووووووووووووور

كل سنة وانتم طيبين
ورمضان كريم
ليه كده تشرديلى يا مارو ماشى
ههههههههههههههههههههه
فى مرة وانا صغير وولدى الله يرحمه نايم ومامتى فى المطبخ
بتجهز الفطار وانا جعان اوى سمعت صوت بمب بس تقريبا الولد كان حاطط كمية كبيرة
فعملت صوت جامد
فصحيت ولدى وقلت له قوم المدفع ضرب وعاوز اكل ولدى قالى هات ميه شرب وانا بقى اكلت وشربت وبعد عشر دقايق لقى المغرب اذن
اخذت حتة علقة يومها علشان فطرته معايه علقة منه وعلقة من ماما

هههههههههههههههههه
مرة تانية كان معاية جنيه بقى جنيه افترى جنيه كنت بجيب بيه حجات كتييييييييييير
مصروف شاب بقى
وكان فى واحد على اول شارعنا بيقف بالمراجيح وكان الدور يقعد ربع ساعة نص ساعة بشلم
قعد بقى اتمرجح بالجنيه كله بقى وهما عمالين يدوروا على رجعت قبل المغرب بشوية الراجل زهق منى قالى عاوز اروح افطر وولدى بقى بيسألنى كنت فين قلت له كنت عند بتاع المراجيح واخد علقة تانية وبعد ما عرف انى اتمرجحت بجنيه كان متهيقلى انه هيمرجحنى فى المشنقة
ههههههههههههههههه
تشريده تالتة كنت من هواة انى اضيع الفلوس
المهم صايم ورايح اشترى عيش
عطيت للفران الفلوس ونسيت على ما العيش ما طلع فكرت ان الفلوس طاعت قمت خارم جيب البنطلون ورحت لمامتى قلت لها ان الفلوس ضاعت علشان حطتها فى الجيب وهو مخروم بصي يا ماما
الجيب مخروم ازاى
شوية ولقيت جارتنا كانت واقفة جامبى وخدة لى العيش وجابته على البيت
وقالت لى انت نسيت تاخد العيش
واللى قهرنى انى خرمت الجيب علشان اسبك الموقف وامى قاعدة تهزق فى بقى

ههههههههههههههه
كفاية كدة تسيح وربنا امر بالستر
نختار مين

؟
؟
؟
تعالى يا سايكو

فكرة جميلة والله يا جماعة اننا نفتكر ذكرياتنا فى اجمل واحلى شهور السنة

كل سنة وانتم طيبين وبالف صحة وسلام

انا قريت كل زكرياتكم اللى كتبتوها هههههههههههههههههههه


ومستنى اشوف زكريات سايكو اكيد هتكون حلوة عشان ما فيش احلى من رمضان

يلا يا سايكو ادخل

ميرسي جدا لكل

اللي افتكر زكرياته هنا وسيح لنفسه

طبعا الاول ميرسي للادمن

عشان المنتدي الجميل

وميرسي لنيرفين

جدااااااااااااااااااااااااااااااااااااااااااااا

علي اقتراحاتها

وميرسي لمارو

ونمر

وكريم

وطبعا منتظرين

سايكو عشان نعرف زكرياته

كده يا سايكو

لا بجد حرااااااااااااااااااااااااام عليك

ده انا اول واحده مسيحه الزكريات ولا هوه لازم كلكم تردوهالي

علي العموم ماشي سايكو

بس يارب افتكر

ااااااااااااااااااااااااااااااااااااااااااااه

مصيبه

فكرتني بزكري حلوه اوي

كان زمان زمان اوووووووووووووووووووووي

يعني

كانت ماما بتعمل كنافه دايما

وانا طبعا مش دايما مش من هوايات المكسرات اوي

يعني مش باكل كل انواعها

ومش بحب السكريات دايما

وماما بقي ايه مظبتاها علي الاخر وبتعمل كميات كبيره

وانا بقي ادخل كل شويه اكل الوش بتاعها بس عشان متحمر ومش في شربات كتير

وكده وطبعا بقي تخيلوا بقي الصنيه بعد ما وشها بس اللي بيتاكل

والمكسرات باينه وهما يا عيني اللي

في البيت غلابه

مش مشكله كده المهم انه لسه فاضل حاجه يكلوها

بس المصيبه فيه انا بقي

كان في اولاد زمان كده بيمشوا بالفوانيس ويخبطوا علي الباب

ويقولوا هاتوا السحور

كل ما حد يخبط كنت انا ادخل اجيب حته واديهاله

وطبعا تخلص ماما تفكر اني

كلتها ومش تصدق

تروح تعمل تاني

وهكذا

لحد ماعرفت الفضيحه العظمي

لاننا كنا معزومين عند ناس وعملت عندهم

كده بس الناس مش قالت لماما

وبعدين لما روحنا البيت

عملت تاني

وانا عملت كده بس في وقتها وهيه لسه طلعه من الفرن

فيعني مش لحقنا ناكلها

وماما سالت الكل في الاخر لقت العيال

جيين يخبطوا ويقولها ابعتيلنا شاكي بتجبلنا كنافه ومن هنا اتعرفت انه انا

وما ادراكوا ما حصل

المهم اختار انا بقي

كريم

اتفضل اعترف بزكرياتك

هههههههههههههههههههههههه
والله يا شاكى لو كنت اعرف كده كنت جيت بالفانوس عندكم وخد صنية الكنافة ومشيت
ههههههههههههههههههههههه
يلا يا كريم ورينا ذكرياتك

ههههههههههههههههههههههههههههههه
هو انتو يا شاكى كل يوم بتعملو حلويات والا ايه

اصل انا كما ن بحب الوش المحمر اوى ابقى سيبيلى حتة

ههههههههههههههههههههههههههههههه

اهلا واهلا واهلا يا بنات وشباب مرح

انا جيت والله اهو
وغلوتكم ما اقدر اتاخر عناتكم واصل

يوه ده لا ممكن ابدا

وهو فيه احلى والا اجمل من زكريات رمضان ده اللمة ما تحلى اللى برمضان وبيكم والله

وتحت امرك يا نيرفين هحكيلك شوية كوارث
من زكرياتى بس كدة انتى تؤمرى و يا شاكى بشكرك على استدعائى لقاعدتكم الجميلة ديه والله

يا سلام
فكرتونى بالذى مضى
زمان وانا صغير كنت بحلم ابقى كبير

هههههههههههههههههههههههه

قصدى كنت بفرح اوى طبعا برمضان من قبل ما يجى بشهرين

اول ما يقولو رجب وصل كنت افضل اعد على صوابعى لغاية ما يخلصو

وافرح اوى بالصابع اللى يكون عنده رمضان

انتو مش فاهمين حاجة طبعا هههههههههههههههه

وكل يوم كان يعدى يلهوى كان قلبى يقع ويتنطط من الفرحة

وحياة النعمة انا بموت فى رمضان خالص

وطبعا كنت لازم اجبر بابا يجيبلى الفانوس اللى انا عاوزة هههههههههههههههههههههه

جبت شوية فوانيس انما ايه حكاية

وكنت انا والعيال الصغيرين صحابى بنات وولاد نتلم ونجرى زى المتشردين فى الشارع بالفانوس
ونقول وحوى يا وحوى

انا بقا كنت موعود انى اشترى الفانوس من قبل رمضان ويتكسر منى بسرعة من كتر العفرتة والتنطيط والشقاوة

وكنا نلم بعضينا كدة ونروح بعد الفطار انا وصحابى البنات والولاد نلف على كل الجيران ونقولهم ادونا العادة


وتلاقى الناس بقا كلها تدينى حلويات كتير من بتاعت رمضان واللى كان يبقى ايده سخية كدة زى شاكى كنا نستلمه كل يوم

هههههههههههههههه نروح نخبط عليه اول واحد بعد الفطار هههههههههه

وكنت بحب التليفزيون اوى والفرجة على الحاجات اللى بتجيى فى رمضان

وبعد ما كنا نتفرج على سلاحف النينجا هههههههههههههههه ننزل ضرب فى بعض انا واصحابى

طبعا كل مرة كنا بنبهدل بعض من كتر الضرب وتقليد سلاحف النينجا

وكنت اروح اخد العلقة التمام ههههههههههههههههههههه

عشان بهدلت نفسى وقطعت هدومى

هههههههههههههههههههههههههههههه

ميرسي جدا نمر وفارس

ونيرفين

بس ابقوا تعالوا انتم من غير الفانوس وانا اعملكم كل يوم

كل اللي نفسكم فيه واعزمكم احلي عزومات

اصل ماما كل يوم يا فارس مش وراها غير الحلويات عشان شاكي

تظبط العيال من وراها

وطبعا انا نفسي حد يختار فارس الاحلام

عشان نشوف زكرياته وان شاء الله هنلاقيه اول واحد ليه زكريات تفضح صح

وميرسي جدا كريم علي الزكريات الحلوه

ومستنيين شذي تنور عشان تسيح

لنفسها

ياخبر اسووود يا شذى



وسابوكى محدش ضربك بالله عليكى
ده انا اتفرست لما سمعت كده
تخيلى ياشذى لوقاعده انا افطر معاكى
وعملتى كده


يالهووووووووووووى على اللى كنت هعمله فيكى



ده صياااام ياشذى حرام عليكى
اكيد اعصابك كانت تعبانه وبتترعش من الجوووووع
هههههههههههه
لكن قوليلى هو انتى وانتى بتكتبى ذكرياتك
كنتى لسه صاااايمه



اصل انتى نسيتى تختارى العضو اللى يكتب ذكرياته بعدك
افطرى بقى واختارى لينا عضو
يحكيلنا ذكرياته

ياخبر عليك يافارس

كنت متاكده انك عندك ذكريات ممتعه

معرفش انها قرعه اوي كده

حرام عليك خليت الراجل قرعه

وحرقت البنطلون كمان انت ايه ده انت شكلك اسطوره

الله يجزيك ميرسي جدا فارس

وطبعا منتظرين الباحث يجي ينورنا بزكرياته قبل 3 ايام