ممكن تمسك أيدى ...؟؟؟

ايام الارتباط

ليه مش بتمسك ايدي واحنا ماشيين في الشارع ؟

لأ بلاش , افرضي حد من قرايبك شافنا ؟

ولا حد من اصحاب اخوكي في الكلية بص لائانا كده ماسكين بعضنا..

إن شاء الله يا حبيبتي بكره نتخطب وامسك إيديكي ادام الدنيا كلها.

ايام الخطوبه

أنت ليه مش بتمسك إيدي وإحنا ماشيين في الشارع؟


علشان مش عاوز حد يفتكر إننا علشان اتخطبنا

هنصيع بقى ونعيش حياتنا...



وبعدين بصراحة كده احسن ... إن شاء الله بكره نتجوز

وامسك إيدك وإنتي مراتي حبيبتي في الحلال.

بعد الزواج

أنت ليه مش بتمسك إيدي وإحنا ماشيين في الشارع؟

يا حبيبتي إحنا مش مراهقين بقى هنمسك إيد بعض في الشارع

وكده ... إحنا اتنين متجوزين ومحترمين

وعندنا بيت نعمل فيه اللي عاوزين نعمله.


أنت ليه مش بتمسك إيدي وإحنا ماشيين في الشارع؟

يعني امسك إيدك والا امسك إيد البنت والا اشيل الأكياس دي كلها؟!


أنت ليه مش بتمسك إيدي وإحنا ماشيين في الشارع؟


إيدك إيه بس اللي هامسكها دلوقتي!

إنتي عاوزه جوز بنتك يقول علينا كبرنا وخرفنا

***************
بجد راجل رخــــــــم

اعوووووذ بالله
رزل اوووووى
لأبجد ده نرفزنى اوى الرخم ده
لا ده كويس انها مامسكتش هى زماره رقبته ايه الراجل ده
والمصيبه انه عنده الرد والمبرر جاهز
هما معظم الرجاله كده بيستخسروا يظهروا حبهم...ده يعنى لوحبوا فعلا يعنى
وده طبعا بقا صعب فى زمانا ده تلاقى راجل بيحب فعلااااا
ميرسى يانوراااااا على موضوعك ياقمر
خلانى عاوزة اخنقه

ميرسي نورا علي موضوعك الجميل
بس بيني وبينك
احسن انه مش مسك ايدها وهيه كمان رخمه اوي قاعده تقله امسك ايدي
هيه لزقه خليها تمشي وتسيبه هيقلها
هوه ياحياتي انتي ماشيه لوحدك ليه تعالي امسكي ايدي وامشي جمبي عشان الناس تقول اننا سعداء
اصل هما كده الممنوع مرغوب خليها تجرب هتلاقي نتيجه
حلوه اوي
تقبلي مروري واتمنالك المزيد حبيبتي