لعبة انت متهم 3

بسم الله الرحمن الرحيم

السلام عليكم ورحمة الله وبركاته

اعزائي اعضاء منتدى مرح الكرام
هنا محكمة مرح للنقاش الجاد


طريقة اللعبة بسيطة جدا
هنعمل تصويت بينا ونشارك فيه كلنا

وكل عضو يختار عضو تانى يكون متهم

والعضو اللى هياخد اكتر اصوات

هيكون هو المتهم

ومدة التصويت اسبوع

وبعدها هيمثل امامنا للمحاكمة


ونحن القضاه

من حق كل قاضى يوجه الانهام اللى شايفة

لابد على كل متهم يجيب بكل صراحة

او يمتنع عن الاجابة
الغرض من اللعبة المزيد من التعارف والتقارب بين الاعضاء
وتتركز الاتهامات حول السلبيات والتى قد نراها فى المتهم


مدة النقاش اسبوع
بعدها يقفل النقاش وحينها يبداء القضاء باصدار الحكم
من المتهمين من سيطلق سراحه ومن منهم سيسجن و من يسجن عليه ان يدفع كفالة خروجه اما بطرح موضوع او اكثر او تقديم ردرود على موضوعات فى المنتدى
فى جميع الاحوال لا يجوز ان تزيد مجموع الردود والموضوعات الحكوم على العضو بتنفيذها عن خمسون وتخصم منها الردود التى قدمها ردا على اسئلة الاعضاء

ملاحظه : الاتهام والنقاش اجباري ولايتم قبول اي عذر من المتهمين
لا يجوز لاى عضو لم يشارك بعملية التصويت ان يقدم اتهام للعضو

يلا نبدء ونختار المتهم

يا ترى هيكون مين

؟؟؟؟؟؟؟؟؟؟؟؟؟؟؟؟؟؟؟؟؟؟؟

والله يا جماعة انتوا اتهمتوا الراجل بكل التهم ومش لاقى تهم انا ليه
انا بعز الراجل ده ومش قادر اتهموا
ههههههههههههههههههه
بس متخافوش انا مستنى الحكم عليه وهيكون رادع




او ننفيه فى جزيرة لوحده ونعين عليه حارس





ونحكم عليه حكم جديد





يلا يا ميخا مستنيك
ههههههههههههههههه

ميرسى اوى يا نادر على مشاركتك مرة تانيه فى الاتهام
مع انى برئ يا بيه
وغلبان اوى اوى اوى
بس لو تعرفنى
اما بالنسبه للاتهام اللى بتوجهولى
وهو
انت متهم بانك سريع الغضب جدا
انا سريع الغضب جايز بس انت حكمت عليا بناء على ايه انى سريع الغضب
انا فعلا ممكن اكون كده بس مش فى كل الامور
ولما بكون فى المنتدى لازم اكون رزين فى ردودى وانفعلاتى
وبركز اوى فى الكلام اللى بقوله مع انى
مش بتكلم كتير ودى عادة فيا لانى مش بحب الكلام الكتير بس كلامى بيوضح رايئ بكل صراحه وبوصل اللى انا عايز اوصله للاعضاء فى المنتدى
وبعدين الكلام مش فى كترة لا بالعكس الكلام لما بيكون بسيط
اولا بيخلى العضو يقراه بتركيز
وثانيا بيوصل منه للمعلومه

ومتهم بانك لا تقبل انتقاد الاخرين ليك
اما بالنسبه للانتقاد من الاخرين
فدى اراء
واختلاف الاراء لايفسد للود قضيه
لو اللى قدامى شايف انى صح او غلط فدى حاجه ترجعله لوحده
اما انا لما بعمل حاجه وبكون راضى عنها دى تكفينى
عشان ما ارجعش اندم عليها
والحمد لله فى حياتى ما اتعودتش انى اندم على حاجه عملتها لانى بكل بساطه محدش غصبنى عليها
وكمان مش بحب امشى ورا كلام حد لانى جربتها كتير وبلاقى فى الاخر انى خسرت منها كتير اوى
فالحاجه اللى انا مقتنع بيها بعملها على طول من غير تفكير

ومتهم كمان بعدم الاهتمام بالرد فى جميع اقسام المنتدى
ونشاطك محصور فى حاجات معينة
وجينا بقى للكلام ده وهو انى مش برد فى جميع الاقسام
بس والله انا بحاول على اد ما اقدر انى اكتب ردودى فى كل الموضوعات وفى كل الاقسام
بس انا غصب عنى لانى زى ما قلت فى الاول ان شغلى بيربطنى بحاجات كتير وممكن فى اى وقت يعطلنى عن الرد فى المنتدى
بس اوعدك انى هحاولب اضيف ردودى فى كل الاقسام
اما بالنسبه لانى نشاطى محصور فى حاجات معينه
فانا طبعا باخد السهل اللى ادامى على طول
وبعدين الحاجات دى كل الاعضاء مهتميه بيها زى بالظبط

ومتهم كمان بانك قدمت لعبة فى قسم الالعاب بدون ما تقدمها بالشكل المناسب
فى التنسيق

طبعا اللعبه اللى انت بتتكلم عليها هيا تحب تروح فين مع حبيبك
ودى كانت مجرد فكرة جاتنى وانا على المنتدى فحبيت اوصلها للمنتدى كله
فمش فارق معايا بقى شكلها ازاى المهم انها توصل لكل اللى موجودين معانا
وهرجع واقول ان شغلى يحكم عليا
وغير كده لو فكرن انزل موضوع وانسقه على الاقل هاخد فيه 3 ايام لانى كل 5 دقايق هعمل فيه حاجه

وسمحونى لانى
برئ برئ برئ برئ برئ

\ههههههههههههههه
وبشكرك يانادر على اهتمامك بيا وان شاء الله هحاول اصلح من نفسى لو كان فى حاجه مش كويسه
شكرا لمرورك

سلام عليكم

هاااااااااااااااااااااااااااااااااااااااااااااااااااااااااااااااااااااااي عليكم كلكم

وطبعا في الاول بشكرك نادر

علي اللعبه الجميله المفيده دي المتميزه

انا فعلا واحده من الناس لما كنت متهمه

بعدها اكيد اتغيرت

وانتم كلكم شفتوا ده

صح ولا انا غلط

وانا طبعا بوجه نفس اتهاماتك لميخا

مع الاضافه لسؤال

انت متهم

بعد المشاركه بموضوعات جديده
ولا افكار مميزه
وفي اوقات بحس ان ردودك محدوده علي الموضوعات

وبس خلاص
وهبقي ازوركم تاني

الدمعه الورديه كتب:اهلا وسهلا ميخا باشا
ايش رايك بالتهمه الموجهه الك انك غبت عن المنتدى واهملت بمشاركاتك وردودك؟؟

الدمعه الورديه كتب:التهمه لابساك لبساك
هههههههههههههههههههههههههههه
وانصحك تجيب محامينك
لانه عقوبتها كثير قويه هده
عموما الحمد ع سلامتك

------------------------------
شو هاي يانادر مو مشاركات
-----------------------------
عموما استاذ ميخا
يلي وضعك صعب جدا جدا
انا بتهمك انه ردودك اكثر بكثير من مشاركاتك
بدليل انك من لما دخلت المنتدى ما حاولت تكتب ولا خاطره بقسمي
فما ردك

اشكرك ميخا على روحك الطيبة وتعاونك مع الاعضاء
وردك على ما قدمه الاعضاء من اتهامات واشكر كل من شار ك معنا
فى اختيار المتهم وجزيل الشكر للاعضاء الذين تقدمو باتهامات وهم

نمروالدمعه الورديه و حسام وشاكى

وكنت اتمنا حضور
مارو
لكن على مايبدو انها اكتفت بما قدمه الاخرين لكن كنت اتمنا ان تحضر
و وتقرر ا ن ليس لديها اتهامات جديدة
و بذلك يمتنع عليها اصدار اى حكم ضد ميخا لعد م اشتراكها رغم الدعوة التى وجهت لها
والرسائل التى قمت بارسالها لها

وليها عندى كارت احمر لمخالفتها شروط المحكمة

فى عدم حضورها

لتوجيه تهمة

عشان تبقى تشارك





عموما اليوم يكون قد انتهت المحاكمة وعلى كل من قام بتوجيه اتهام فقط للعضو / ميخا
الحضور لمحكمة مرح لاصدار الحكم وفقا لاحكام وشروط اللعبة

الحكم



بعد مطالعة الاوراق
يتبين ان ميخا قد اقترف جميع الجرائم المنسوبة اليه
دون واذع من ضمير وقد تجرد من جميع مشاعره الانسانية
فارتكب دون ادنى شفقة او رحمة تلك الجرائم
وعند مثوله امام القضاة اقر واعترف بالجريمة
وتفاخر بها والقى على الاخرين باتهامات تماثل اتهامه

معتقدا ان ذلك يبرء ساحته
متناسيا ان العبرة تاخذ ممن كان افضل




ولما كان
من المقرر فى احكام محكمة مرح العليا



ان الغاية من العقاب ليس هو التشفى و الانتقام من فعل المحكوم عليه

وان الغرض الاسمى دائما للعقوبة هو الدفع بالمتهم الى طريق الصواب

وهو الامر الذى يفرض على القاضى حين يصدر حكمه ان يلائم بين الجريمة موضوع الاتهام وحالة المتهم الشخصية وظروفه الاجتماعية وان يضع فى اعتباره القدر الذى ياتى منه صلاحا لحال المتهم حتى يعود الى اسرة مرح فى افضل حال
لــــــــــــــــــــــــــــــــــــــــــذلك

حكمنا عليك يا ميخا بكتابة عشرة ردود على ان تقوم بكتابتها فى غير قسم الالعاب

وفى حكم كمان


ميخا انت فى اقسام مبتدخلش وتشوف فيها وممكن تكون بتاخد الموضوعات اللى على سطح المنتدى وترد عليها لذلك

لازم تدخل وتفحص الاقسام وتشوف موضوعات قديمة ترد عليها

وفي حكم كمان
تدخل ع همس الكلمات واترد ع المواضيع الي عدد ردودها اقل من 5 ردرد

اهلا بيك ميخا

نورت حجره الحكم

نورتنا حكمي عليك

تدخل قسم شباب وبنات مرح

وترد علي الاقل علي 14 موضوع وتنزل 3 موضوعات جديده

في كل باب

ولك مني جزيل الشكر