اعتذار

اولا احب ابدء كلامى بوحشتونى بجد كل اعضاء منتدى مرح
لكن انا بعتذر لأدارة مرح ولكل الأعضاء والمشرفين
انى مش هقدر اتواجد فى المنتدى تانى
طبعا مفيش شك هفتقدكم لكن انا اسفه
بكل المقاييس قرارى مش سهل عليا بس دى ظروف
طبعا انا بشكر الأدارة وبعتذر ليها عن عدم قدرتى على التواصل فى المنتدى
وليها الحق وبدون اى خجل ان ترفع عنى رتبة اداره المنتدى
مثلما رفعت عنى الصلاحيات
وميرسى لحفاظكم على الشكل العام
وترك اسمى بلونه وبرتبة اداره المنتدى
ولكنكم بالفعل اتخذتم الأجراء الفعلى فى الغائى من الاداره وايقاف جميع الصلاحيات
ولا ألوم عليكم فهذا حقكم
ولذلك اسهل عليكم الوضع ولن يكون عليكم اى لوم
لأننى انا التى اعتذر عن عدم تواجدى واستمرارىمعكم فى منتداكم مرح
اتمنى لكم جميعا ولمنتداكم التوفيق والتقدم

استودعكم الله

وشكـــــرا

نـيـــرفـيـــــــن

من طرف Admin الخميس 5 نوفمبر - 4:00:42

السلام عليكم ورحمة الله

اسمحيلى يا نيرفين ارد على اعتذارك

ووصفك لادارة المنتدى بانها المسئولة عن وقف صلاحياتك والغائك من الادارة

طبعا ده مش حقيقة

لانك تخليتى بالفعل بدون اى سبب عن مباشرة امور الادارة

رغم انك عارفة ومتاكدة كويس انك ممنوحة لحق التصرف بدون الرجوع لادارة المنتدى

كان المفروض تكملى مناقشات مع المشرفين واعضاء الادارة

عن تشكيل مجلس ادارة المنتدى وبدئتى الموضوع يوم 15/8/2009
ولغاية النهاردة المناقشة واقفة بدون اى سبب

ومفيش اى نشاط من اى نوع ليكى بالمنتدى من ساعة مسابقة شهر رمضان

واضح انك اخدتى القرار من نفسك
وانا الحقيقة مش عارف ايه الاسباب

ادارة المنتدى

وعليكم السلام ورحمه الله وبركاته
اولا ميرسى للرد ادمن
ثانيا بتقول
(ووصفك لادارة المنتدى بانها المسئولة عن وقف صلاحياتك والغائك من الادارة

طبعا ده مش حقيقة )
هو ايه اللى مش حقيقه ان الاداره مش لغت الصلاحيات
ايه يا ادمن يعنى انت مش عارف انك لغيتها
ولا تقصد ان ده عقاب ليا مثلاااا
انت ناسى انك لاغى عنى صلاحيات
اكتر من نص المنتديات
من ايام موضوع الجوايز
وانا قلتلك كتير وبرضه مش رجعت
وبعدين ده مش وصف ده اقرار بواقع حدث بالفعل
انا مش وصفت الاداره بشئ سئ يعنى
انا اقريت باللى حصل واديتها الحق
ولو انه مش حق ولا حاجه بقا يلااااا
وده طبعا هوضحه

بتقول انى تغيبت بدون اى سبب
هل فى نظرك تعب امى وتواجدى الدائم عندها ده مش سبب كافى
اعتقد انه لو شغل هقدمله اجازة ومش هيوقفونى عن العمل يا أدمن
ولا ينزلونى الأرشيف
ههههه
ماعلينا انا بلغتك بتعب امى قبل كده لو كنت نسيت ده مش مشكلتى
لكن لما زاد تعبها مش لحقت ابلغ حد
لكن لما سايكو ومارو سئلوا عن غيابى اللى انتم مش سئلتوا عليه
عرفوا وبلغوكم
وفارس كتر خيره نزلى برقيه
وبعد كده عرف فارس من عضو فى المنتدى بوفاه زوج اختى يعنى الصوره والاسباب واضحه عندكم جداااااااا
عرف زى ماعرف برضه انى كنت زعلانه من حاجات برضه حصلت
لكن اقسم بالله ان زعلى مش كان سبب غيابى عن المنتدى ابدا
وانا دخلت واعتذرت ووضحت الصوره كامله
بص انا مش كنت ناويه على اى نقاش لانه شئ مافيش ليه داعى
لكن انك تتهمنى بالباطل وبسوء الظن انى انا قصرت فى المنتدى يبقى ده ظلم
واعتقد ان المساوه فى الظلم عدل
اشمعنى نيرفين اللى اترفعت عنها الصلاحيات ؟؟؟؟؟؟؟؟؟؟؟
بتقولى
كان المفروض تكملى مناقشات مع المشرفين واعضاء الادارة

عن تشكيل مجلس ادارة المنتدى وبدئتى الموضوع يوم 15/8/2009
ولغاية النهاردة المناقشة واقفة بدون اى سبب

ازاى بدون اى سبب!!!!!!!!!!!
هو ده الشئ اللى اعتمد عليه علشان تجيب الغلط عليا انااا
لا طبعاااااا
اولا انا مش عضو اداره لانك مش مدينى اى حق لدخول الاداره
وانا فاهمه وساكته لانى موضوع مش مهم بالنسبه ليا
انت مفهمنى انى اداريه والحقيقه انه رتبه كتبتهالى
وانا مشرف عام وبس وانا فاهمه وعمرى ما ناقشتك
لكن جه الوقت اللى لازم تفهم انى عارفه وساكته بمزاجى
لانى كان دورى فى نظرى اقوى من لوحه اداره
ثانيا
لما خلتنى مسكت اداره الاجتماع قلتلك لا ارشدنى
وعرفتك اللى هعمله
وبعد ما نزلت تنبيه لفارس ولشذى يوم 16/8 بتوضيح ارائهم
انت مش كلمتنى بعتلك رساله مش رديت لانك مش دخلت
قلت خلاص انا هتصرف وهرد ونتناقش
بس هرد على مين وهناقش مين يا أدمن
يعنى لما احب اخاطب شعب مصر هخاطب مين؟
لا مش بتريق طبعا بس ماهو نفس الطريقه
اولا رب البيت او بالصح ربان السفينه فيييييييييين؟؟؟
حسام العضو الادارى الأول فييييييين؟؟؟؟
ابوحنفى اللى قل تواجده لحد ما انتهى
نادر اللى مشى من اول اجتماعاتك الجديده
الدمعه الورديه قل تواجدها فى الفتره دى اووووى
ساااااايكو برضه قل تواجده فى الفتره دى
شاااكى برضه قل التواجد جدا لظروف وبلغتنا بيها
نمر ظروف شغله ووضحها قللت تواجده
علاء مش بيرد الا لو انا بعت ليه رساله او نبهته للموضوع
انافش مين ممكن تقولى
قلت هكتب تأجيل الموضوع لبعد العيد تكونوا تواجدتم
حصلتلى ظروف تعب مامتى وده اهم من اى شئ فى الدنيا
خربت الدنيا بحاله الوفاه
رجعت بيتى بعدها ولا لقيت اى رساله على الميل
ولا حتى مجرد سؤال على عضو المفروض ليه اهميته
منتهى التجاهل ممكن تسئلوا برساله على الميل او المنتدى او اى طريقه
من الطرق اللى كانت بتوضح اعذاركم فى الغياب عن المنتدى عن طريقى برضه
مش كده ولا ايه؟؟؟؟؟؟؟؟؟؟؟؟؟
ماعلينا
المهم ان اول رمضان اول تعب مامتى كنت اول ما اتوجد فى بيتى ادخل المنتدى
رغم انك عارف ان عندى منتدى فتحته مع اول خبطه اخدها فى مرح
يعنى تأمين لفراغ الوقت بعد ماتستغنوا عن خدماتى ادمن
وبرضه عارف انى مش كنت بدخله
لكن دخلت مرح لانه المفروض انه الأساس
دخلت اتفاجئت بنشاط فارس فى المنتدى بصراحه
مش اقدر انكر انه نشاط رائع جدا ربنا يباركله
رديت على مسابقاته
لكن بعت سئلته عليك رغم انى مش لقيت حتى رساله بتبلغونى فيها المسابقات دى
واظن ده حقى كعضو ادارى وكنت بتواجد وقتها
وحتى لو مش متواجده كنت ابعدوا عنكم اى لوم وبلغونى هو ده مش المفروض ولا ايه؟
حتى لو عندى افكار اقولها
هو مش اعضاء الاداره لازم يكون بينهم تفاهم وترابط ولا انا غلطانه يا جماعه
بعتلك رساله واستلمتها قلتلك فيها لوم على التصرفات دى والالغاء ليا ومش رديت
طيب كنت نبهنى و اسئلنى عن الأجتماعات اللى قصرت فيها دى
ولا هو فخ ومنصوب
ماعلينااااااا
بتقولى ان ماليش اى نشاط فى المنتدى
ده انكار لمجهودى بقا كالعاده صح؟
رغم ظروفى ورغم زعلى
مش كنت بتواجد فى المنتدى لقله التركيز بجد
لكن كنت بدخل على فترات انسق الموضوعات وانقل على اد ما اقدر
صح فترات بعيده وقليله بس غصب عنى
دى ظروف اقوى من ظروف ويندوز بيدخل فى 3 شهور وفيه سيبرات موجوده
واقوى من نت فاصل 3 شهور وفيه سيبرات برضه
ورغم كده كنت بدخل اعمل دعايه لمرح
مش لمنتدايا الخاص بيا
واعتقد ان صاصا ونور والطائر والحضرى والباحث وغيرهم
دخلوا فى الفتره دى عن طريقى
وكتير غيرهم لكن مش شاركوا بالفعل ودى مش مشكلتى
ما انت وحسام وفارس بدخلوا ناس ومش بيشاركوا
لكن انتم ناس بتقدر مجهودها لكن نيرفين نو يوك وحشه اوى ومبتتقدرش
مش مهم المهم ان ده برضه اسمه نشاط
واعتقد قبل ماتلوم عليا وتسحب صلاحياتى كنت شوف حسام وقبل منه فارس وانت نفسك
طلبت تعرف الأسباب واديك عرفتها
المهم انك تعرف انى فاهمه كويس
ان كل ده تزهيق ليا ربما تنفيذ لشرط معين مشروط ههههه
يلاااااااااا
انا وضحتلك الأسباب اللى انت فاهمها كويس
ورحمه ابويا انى ما كنت ناويه ولا حابه انى اتكلم اصلاااا
يعنى زى انت ماقلت قرار اخده وانتهى
لكن تنسبلى غلط ومش حقيقى كمان لاااااا
انت عارف كويس نيرفين وعارف انى هرد
كان المفروض تجنبنا الكلام ده كله
وزى ما انسحبت بهدوء واديتكم الحق فى الغاء صلاحياتى
كان المفروض ان الرد يكون غير كده
انت عارف انى هعرف انك رديت
ده انت كمان خرجت المنتدى لمعاينه الزوار
رغم انى فضلت الكتابه فى القسم المخفى عن الزوار
مش مهم بقا
المهم انى وصلتلك الأسباب كامله
ودى الحقيقه كلهاااا
ميرسى أدمن على ردك
وميرسى على كل حاجه
واتمنالكم جميعا ولمنتداكم التقدم والرقى
ولو حد زعلان منى ارجو انه يسامحنى
ومش تفتكرولى غير الخير
لانى بحبكم كلكم فى الله
ومش اقصد ازعل منى اى حد ابدا
اسفه أدمن لو كنت ضايقتك بأى رد ليا او كلام
بس انت عارفنى مش بعرف اتكلم الا بالصراحه والوضوح
اتمنى ليك ولمنتداك التوفيق والتقدم دائما
ميرسى
سلام
***************

ارجو غلق الموضوع
لأنى الغرض من ردى هو توضيح الأسباب مش أكتر
وانا رافضه اى رد او تعقيب علي كلامى
ميرسى أدمن

من طرف Admin السبت 7 نوفمبر - 3:16:18

السلام عليكم ورحمة الله

اشكرك نيرفين على توضيحاتك

وحرصا منا على تنفيذ رغبتك فى عدم طرح الموضوع للمناقشات اكثر من ذلك
يتم غلق الموضوع

ومازلنا بالمنتدى عند رغبتنا فى استمرارك معنا كعضوية ادارية
مالم يكن لديكى رغبة اخرى بخلاف ذلك

ادارة المنتدى

اعتذار

اعتذار

رد: اعتذار

رد: اعتذار

رد: اعتذار