أمـوت عشقـا..... ولكـن

بصراحة يا نرفين انا عجبنى اسلوبك بشكل غير عادى ومش هتتصوريه بس ده ما يمنعش انى انتقدك وانتقد كبريائك 00 عارفة ليه 00 لانه وجع قلبى اوى00 يعنى يا ستى قاعدة سرحانة فى القمر وفرحانة بنسمة الهوى ومستنية الحبيب تخطرى على باله ويفتكرك مع ان القمر موجود فى السما ومنور وقاعد مشغول بيكى وبيكلمك وكان هيبوس ايدك علشان مترديش ع الموبايل وفضل يفكرك ويعمل اسافين فى الرجل لكن لما عرفتى ان اللى بيتصل هو حبيب القلب الدنيا بقا حالها حال وساح التلج ونسيتى الاحزان وقلبك رقص من الفرحة تيجى فى الاخر وتصدمينى بالنهاية ده والمشكلة ان مش انا بس اللى مش عاجبة النهاية المحزنة ده القمر كمان معترض وبيقولك انتى كدة دايما كبريائك قبل حبك
قدرتى تاخدينا لعالم من الاحلام والخيال ورمتينا فى اجمل وارق لحظة حب ورومانسية ولقيت نفسى واقف وشايفك فى البلكونة وبحسد القمر واللى شاغل بالك بس مش حسد وحش يعنى وفى الاخر لقتنى قاعد فى جنازة قلبك وبشرب قهوة سادة 00000 بجد حرام عليكى

حرام عليكى يا نرفين

طبعا يا نرفين مش عارفه اقولك الخواطر بتاعتك تجنن اد ايه
بس هو ممكن حد يقدر يبعد عن حبيبه بأختياره ممكن حبيبه يرجع لغايه عنده

وهو يسبه حتى لو هايفضل جنبه يوم واحد ده هايبقه بالعمر كله انا شايفه انك كنت قاسيه اوى على نفسك
والقمر ده من نسج خيالك علشان تحسى انك اخترتى صح وانك ضحيتى بحبك من اجلك كبريائك
بس ايه النتيجه غير قلب مكسور ومجروح انتى ظلمتى نفسك

مرتين مره لانك سيبتى حبيبك يضيع من ايدك
ومره اما وهمتى نفسك انك اخترتى الصح

الحب الحقيقى مش بيتكرر فى حياتنا كتير وممكن ما يتكررش خالص
وانا رائى ان الثانيه فى قرب اللى بحبه بالدنيا كلها كفايه ان زكرياتى معاه هاتزيد ثانيه

ميرسى يا نورا على ردك فعلا الثانيه جنب الحبيب بالدنيا كلها
لكن بعد الخداع والكذب معتقدش ان لوجوده لزوم
ساعتها نقول الذكريات افضل
ميرسى سااااايكو على ردك الجميل وعلى زوقك
ياسيدى ولا حكايه ولا حاجه
هى الرومانسيه بس طبيعه المرأه
بتفرق فى التعبير
وبعدين ده بعض ماعندكم
كلماتى تيجى ايه جنب كلماتك الجميله
ميرسى اوى على ردك