مالك زعلان

مالك ؟
: إيه اللي جرالك
مش واقف ليه
علي بعضك
دايماً قلقان ؟
: واخد علي خطري
يا حبيبتي
ومنكً زعلان
: زعلان من إيه؟
: سيباني واقف
هنا وحدي
قلقان حيران
:طب حيران ليه؟
: مستني القمر
اللي بيطلَّع
في نن عنيك
يظهر ويبان
: قمر إيه؟
: قمري المسحور
اللي انتي ياما
خدتيني ليه
أنا فاكر
لمَّا غمرني
ضيه الفضي
بحر وموجه
لمَّا فتنِّي
خد روحي مني
وتاه عقلي
ولقتني
مش داري
بحالي
غرقان ف النور
بحضن في الدفة
ومتبت
في شراعي المكسور
وبعافر
شوقي الجامح
للورد الطارح
علي خدك
أحمر مكسوف
خلاَّني قطفت
كم وردة
وأنا مسحور
شوقي الملهوف
***

غمضتي عنيكي
وداريتي
تحت جفونك
قمري الخجلان
ساعتها هربتي
ذي الغزلان
لمَّا جريتي
أنا فاكر
قلتي
ابقي استناني
في نفس مكانَّا
وميعادنا
نقطف من تاني
انا وانت
زهر البستان
****

أعمل إيه ؟
واقف من مدة
مستني قمري
اللي واحشني
يطلع ويجيني
أتاريه من بدري
واقف ويَّايا
بواسيني
وبقول لي
إسألها
متأخره ليه --- ؟
****
أتاريكي
واقفة واريا
وأنا -- !!
مش واخد بالي
عامله روحك
مش شيفاني
خايفة لعيوني
تيجي في عنيكي
ونغرق سوا
ف موجة هوي
من تاني
حيرانه وبتتلفتي
علي إيه ؟
مشغولة يا غالية
بنجوم تانية
بتبصي ليه
الناحية التانية؟
مين شاغلك مين ؟
دأنا والشوق
من ساعة
واقفين
بنستناكي
بتبصي ليه
شمال ويمين ؟
منا أهو
واقف قدامك
مش شايفه
حبك وغرامك
ولا قادرة
تنطقي بلسانك
كلمة شوق
وحنين
راح فين -- ؟
حبك وحنانك
راح فين -- ؟
الغزل المتعافي
لورد الجنَّة
وللياسمين
مع إني
واخد علي خاطري
لكني يا حلوة بحبك
غصبنْ عني
أنا راجع بكره
هنا تاني
وف نفس معادي
هاستناكي
بس انت تعالي

المره الجايه
القاكي
واقفة الناحيه دي
و اقفه قصادي
بيني وبينك خطوة
أو خطوتين
لو تمشي الأولي
أنا التانية
و يمكن يا روحي
أمشي الأتنين
لو صالح قلبك
قلبي الولهان
بكلمة واحدة
أو نظرة عين
ساعتها
أقول للقمر
يطلع من تاني
في نفس معادنا
وماكنَّا
ويستناني
بس انتي يا روحي
ابقي تعالي

جميل اوي صبري كلامك حلو وجمييييييييييييييييييييييييييل اوي ويارب ربنا يكرمك
جميل اوي ان يكون في زمنا ده احساس بالحب كده ولهفه وشوق اللي بنحبهم ويارب دايما الكل يبقي صادق كده فعلا مش كلمات وبس

شكرا شكرا نرفين وشاكى وسايكوا على ردودكم الجميلة واتمنى ان نوفق جميعا فى التعبير عن اجمل معانى الحب ولكم خالص تحياتى
صبرى

صبرى ما ارق كلماتك
اهنى بك حبيبتك واهنيك بها لانها جعلت منك شاعر يتغنى بأعذب الكلمات
واهنيها بك لانها ستحصل على كل هذه المشاعر برغم سلاسة الالفاظ الا ان المعانى لها شوق رهيب
شكرا لموضوعك


سلمت وسلمت يدك التى كتبت اجمل الكلمات

مشكور صبرى على الكلمات الرائعة والايلوب المميز الراقى
تقبل صبرى اعجابى بروعة اسلوبك وجميل كلماتك وتقبل مرورى اشكرك صبرى

شكرا نادر وشكرا لنمر ومرسى لزوقكم واتمنى من اللة ان يوفقنى فى كتابة ماهو مفيد للمنتدى

هاااااااااااااااااااى صبرى
ايه ياعم الكلمات الجامده دى
مكنتش اعرف انك رومنسى وبتحب
وبتقول كلام جميل وكلام معقول مقدرش اقول حاجه عنده
حلو اووووووى لهفة الحبيب اللى انت وصفتها فى كلاماتك عجبتنى دخلت الجمجمه على طول


ميرسى صبرى وتقبل مرورى وكلامى المتواضع

اهم شئ انها دخلت الجمجمة
شكرا مارو لزوقك
بس انتى عرفتى متاخر انى بعرف اكتب كلام حلوا
ههههههههههه

عاااااااااااااااااااارفه انك بتكتب كلام حلو
بس مكنتش اعرف انك حبيب اوووى كده
وبجد عجبتنى اووووووى
مانت قلت اننا ولاد بلد واحده ياعنى
ايووووووووووووووووووووووووووه
والمرسى ابو العباس
وريحة البحر اللى بطلع منك احلى كلام

شكرا ماروا على خفة دمك

مشكور صبرى على الكلمات الجميلة والاسلوب الرائع

تقبل مرورى

رائع جدا ياصبري كلمات بسيطه بدل ع مهاني كبيره تقبل مروري