لعبة انت متهم 3

بسم الله الرحمن الرحيم

السلام عليكم ورحمة الله وبركاته

اعزائي اعضاء منتدى مرح الكرام
هنا محكمة مرح للنقاش الجاد


طريقة اللعبة بسيطة جدا
هنعمل تصويت بينا ونشارك فيه كلنا

وكل عضو يختار عضو تانى يكون متهم

والعضو اللى هياخد اكتر اصوات

هيكون هو المتهم

ومدة التصويت اسبوع

وبعدها هيمثل امامنا للمحاكمة


ونحن القضاه

من حق كل قاضى يوجه الانهام اللى شايفة

لابد على كل متهم يجيب بكل صراحة

او يمتنع عن الاجابة
الغرض من اللعبة المزيد من التعارف والتقارب بين الاعضاء
وتتركز الاتهامات حول السلبيات والتى قد نراها فى المتهم


مدة النقاش اسبوع
بعدها يقفل النقاش وحينها يبداء القضاء باصدار الحكم
من المتهمين من سيطلق سراحه ومن منهم سيسجن و من يسجن عليه ان يدفع كفالة خروجه اما بطرح موضوع او اكثر او تقديم ردرود على موضوعات فى المنتدى
فى جميع الاحوال لا يجوز ان تزيد مجموع الردود والموضوعات الحكوم على العضو بتنفيذها عن خمسون وتخصم منها الردود التى قدمها ردا على اسئلة الاعضاء

ملاحظه : الاتهام والنقاش اجباري ولايتم قبول اي عذر من المتهمين
لا يجوز لاى عضو لم يشارك بعملية التصويت ان يقدم اتهام للعضو

يلا نبدء ونختار المتهم

يا ترى هيكون مين

؟؟؟؟؟؟؟؟؟؟؟؟؟؟؟؟؟؟؟؟؟؟؟

مشكور نادر على اللعبه

انا بختار
.
.
.
.
.
.
نادر
ههههههههههههه
من حفر حفرة لاخيه وقع فيها

هاااااااااااااى يانادر
انت يابنى مش بتحرم
ماكفايه لحد كده متهمين
مفترى والنبى من يومك

المهم احب اتهم مين
.
.
.
.
.
.
.

.
.
.
.
.
..

.
.
ميخـــــــــــــــــــــــــــــــــــــــــــــــا
علشان عايز يتهمك تانى
شفت انا كويسه معاك ازاى
علشان تبقى رحيم معايا
ومش تحطنى متهمه
اى خدمه ياندوره
قدمت السبت تانى
يارب ينفع معاك المره دى

مرحبا ياجماعه كيفكم
وشكرا الك يانادر ع هده اللعبه الجميله
انا حابه ارشح نمر يكون المتهم

الف شكر نادر وانا
بالنسبالى انتقم من شذى وارشحها للعبة
تكون هى المتهمة

اشكر جميع الاخوة الاعضاء المشاركين بالترشيحات
واتمنى يكملو معانا عند انتهاء الترشيحات واختيار المتهم
وشكرا ليكى يا مارو على وقفتك معايا

ومتخافيش يا ميرو

ليكى عند سبت
هردهولك حالا
لانى
كنت افضل تلك المرة ان يكون المتهم احد شباب المنتدى
لكن ارى توجيه الاتهام لعضوة

وهى ايمى لغيابها الطويل عننا

اسمحولى ارشح ايمى
للمثول امام قضاة المحكمة

واتمنا ممن لم يقم بالاشتراك معنا ان يبادر الى التفاعل معنا
والادلاء بصوته

ويا ريت لو يوافقنى فى الراى ويختار ايمى

حلو التشكيل العصابى
اللى انت عملته ده يانادر
تصدق ميخا صعب عليا كده
يالا معلش كل واحد بياخود نصيبه
ربنا معاك بقى يامخمخ

ومكنتش اعرف انه متهم صعب اوى كده
ومحير السلطات معاه
ده طلع مجرم خطير ومحدش واخد باله
الحمد لله اتقبض عليه
والفضل لبوليس مرح الجامد جدا

هتنور المحكمه ياميخا

ميخا احنا هنا مش بنهزر والقانون لازم ياخد مجراه
احنا قعدنا نبحث لغاية ما الانتربول قدر يوقعك وانت متنكر وكنت هربان لاحد الدول الاوربية الشقيقة
بس عن طريق رجالنا العباقرة قدرنا نجبوك


وبكده هتنعقد لك محكمة
جهز محامينك يا ميخا لان المحكمة صعبة
والعقوبة مش هينه

شكرا يا ميخا
ورجعنلك تانى

هااااااااااااااااااااااااااااااااااااااااااااااااااااااااااااااي
ميخا يارب تكون بخير
وحمدالله علي السلامه وان شاء
الله تفضل موجود معانا
وتبقي في صحه كويسه
المهم
اسال بقي

تقلنا رايك في جميع اعضاء المحكمه واحد واحد علي حده
مثلا
مارو
؟؟؟؟؟؟؟
نادر
؟؟؟؟؟؟؟؟؟
شاكي
؟؟؟؟؟؟؟؟
حسام
؟؟؟؟؟؟؟؟؟؟
نمر
؟؟؟؟؟؟؟؟؟
شذي
؟؟؟؟؟؟؟؟؟؟؟؟؟
وهكذا


وطبعا عوزه اعرف رايك ده في كل حد ليه
وايه اللي بتشوفه فيه عشان يبقي
احسن

ولما تخلص دول هرجعلك تاني

ميرسى شاكى على مرورك اللى اسعدنى
اما بالنسبه لسؤال
تقلنا رايك في جميع اعضاء المحكمه واحد واحد علي حده
مثلا
مارو
مارو طبعا انسانه حساسه وجميله وصحبه صحبتها
ورقيقه وطيبه اوى



نادر
اما سى نادر اللى هارينى فى المنتدى فهو من اكتر الناس اللى بحترمهم فى المنتدى
وبعزة جدا حتى من غير ما اشوفه واتمنى يكون صحبى بجد
شاكي
شاكى انسانه محترمه ومهذبه وجميله
ونشيطه وبتهتم بالمنتدى اوى
حسام
حسام بصراحه انا ما اتعاملتش معاه كتير فى الكلام
بس انا عارف انه انسان محتررم اوى وحبوب ويتصاحب
نمر
نمور انسان اكتر من رائع وبيعجبنى ردوده اوى اوى
وكلامه انا بهتم بيه اوى
وطبعا محترم وزو اخلاق عاليه
شذي
شذى اميرة المنتدى وقمر 14
وفخامه الرئس
وكل الالقاب اللى ممكن تتقال عليهل لانها بجد تستحق اكتر من كده بكتير على نشاطها فى المنتدى وفى كل الموضوعات الجديده اللى بتجيبهالنا وبنستفاد منها اوى اوى اوى
نيرفين طبعا
انسانه جميله اوى وكلامها مرتب
ردودها بتخليكى لازم تهتمى بيها اوى وتديها حقا الى لازم تاخده
ابو حنفى
مهذب ومحترم
بس فى حاجه موضوعاته كتيرة اوى اوى عشان كده مش بتاخد حقها فى الردود عليها

ميرسى شاكى على سؤالك
بس انتى ما وضحتيش يكون احسن فى ايه
فى المنتدى ولا فى حياته لانها تفرق كتير اوى ياريت توضحى وانا هجاوب اوك

وميرسى اوى على اهتمامك

منور يا ميخو كرسى الاتهام
جاى لواحدك ليه يا رجل

مش كنت تبعت تشدلك جروب محامين

هههههههههههههههههههه

المهم

شوف بقا يا ميخا

انت متهم بانك لا تهتم بتنسيق اى موضوع بتقدمه

ومتهم بعدم تنسيق اى رد بتكتبه

ودايما كل موضوعاتك وردودك فيها اخطاء تشقلب حال بلد بحالها
بتجرى ليه يا ميخا وانت بتكتب ؟؟؟؟؟؟؟؟؟؟؟؟؟؟؟

فى انتظار اجابتك يا ميخا

هرجعلك تانى
انشاء الله

ايه يا عم حسام
مش كده حرام عليك
اهدى عليا شويه
انا غلبان

فى الاول شكرى الخاص ليك على مرورك ومشاركتك معانا

اما بالنسبه لسؤال
انت متهم بانك لا تهتم بتنسيق اى موضوع بتقدمه

ومتهم بعدم تنسيق اى رد بتكتبه

ودايما كل موضوعاتك وردودك فيها اخطاء تشقلب حال بلد بحالها
بتجرى ليه يا ميخا وانت بتكتب ؟؟؟؟؟؟؟؟؟؟؟؟؟؟؟
بص يا سيدى
انا فى الاول عندى نت كافيه
فمن الطبيعى انى اكون لازم بكتب بسرعه وممكن فى اى وقت حاجه تشغلنى عن الكتابه او تلخبطنى
وانا من النوع اللى ما يحبش يبص وراه
دايما ببص قدامى فى كل حاجه
فانا لو كان فى غلط فى الكتابه بتعتى فده من الطبيعى
كل بنى ادم خطاء
ولو كانت الموضوعات بتعتى مش متظبطه زى ما انت بتقول
وده صح وانا عارف
فانا المهم عندى اوصل المعلومه اللى عرفتها
لاسرة مرح
مش مهم عندى شكلها
المهم المضمون

وبعدين تعالى هنا
انت لو عديت الموضوعات بتعتى هتلاقيها مش هتعدى العشرة
كلهم على بعض
وبعدين انا مش بجرى ولا حاجه ده الطبيعى بتاعى
وبعدين الغلط الكتابى هتلاقيه عن كل اعضاء المنتدى كلهم
لانه شئ وارد فى كل مكان
ومعلش انا عايز اعرف
الردود بتعتى بتشقلب حال بلد ازاى


انا برد على اى موضوع الرد العادى
ولو عندى اى تعليق على الكلام بضيفه
زى اى عضو فى المنتدى

شكرا على سؤالك يا حسام

ويارب تكون الاجابه واضحه